Польскiя байкеры ўскладуць кветкі ў Курапатах

• 7.09.2012, 13:54

Удзельнікі Катынскага мотапрабегу ўшануюць памяць ахвяр сталінскіх рэпрэсій.

70 грамадзян Польшчы ўжо некалькі дзён падарожнічаюць па нашай краіне. Яны наведалі Гродна, Ліду, Ашмяны, Слонім, Ваўкавыск, Навагрудак і Валожын, перадае «Еўрарадыё».

У Курапатах, на месцы масавага пахавання ахвяр сталінскага тэрору, палякі запаляць свечкі і ўскладуць кветкі.

З Беларусі байкеры паедуць на Смаленшчыну.