Жыхара Гомеля затрымалі за майку «Лукашэнка, сыходзь»

• 3.11.2013, 15:44

Актывіст апазіцыі Юрый Рубцоў быў затрыманы на акцыі «Дзяды» ў Менску.

Пра гэта сайту charter97.org паведамілі актывісты «Еўрапейскай Беларусі». Юрыя Рубцова затрымалі каля дыспетчарскай станцыі «Карбышава». Ён браў удзел у шэсці. Да мужчыны падбеглі два супрацоўнікі міліцыі і, скруціўшы рукі, запіхнулі ў сіні мікрааўтобус Volkswagen. Прычыны затрымання яны не назвалі.

Затрыманы дастаўлены ў аддзяленне міліцыі на вуліцы Карбышава. Хутчэй за ўсё, прычынай гэтаму стала адмова зняць майку з надпісам «Лукашэнка, сыходзь».

Фота: Наша Ніва