УСУ разбілі расейцаў пад Аўдзееўкай

• 2.10.2023, 14:36

У Сеціве паказалі, што засталося ад УС РФ пасля бою.

Спроба расейскага войска пайсці ў атаку пад Аўдзееўкай стала няўдачай: украінскія вайскоўцы паказалі, што засталося ад бранятэхнікі войска РФ, якую УСУ разбілі з дыстанцыі. На апублікаваных у Інтэрнэце кадрах украінскія байцы аглядаюць рэшткі расейскай бранятэхнікі, знішчанай падчас няўдалай спробы разгарнуць наступ на поўдзень ад Аўдзееўкі. Фрагмент відэа публікуе Тэлеграм-канал «Украіна 365».

Менавіта тут, у раёне населенага пункта Вопытнае, раней УСУ пайшлі ў наступ і вызвалілі частку населенага пункта, наблізіўшыся да акупаванага Данецку з паўночнага захаду.

На апублікаваных кадрах пакарабачаныя і згарэлыя бронетранспарцёры і БМП расейцаў, відаць скрываўленае адзенне загінулых акупантаў.