«Армія дронаў» Украіны знішчыла рэкордную колькасць расейскай тэхнікі

• 2.10.2023, 16:29

Танкі, гарматы і не толькі.

Украінская «Армія дронаў» на мінулым тыдні пашкодзіла рэкордную колькасць расейскай артылерыі.

Аб гэтым паведамляе ў Telegram міністр лічбавай трансфармацыі Украіны Міхайла Фёдараў.

«У расейцаў — мінус 69 гармат і 17 самаходных артылерыйскіх установак. Больш пашкоджанай артылерыі — менш набояў па пазіцыях нашых вайскоўцаў і прыфрантавых местах», — напісаў Фёдараў.

Паводле ягоных слоў, агулам аператары беспілотнікаў знішчылі 220 адзінак варожай тэхнікі, сярод якой — 33 танкі, 41 цяжкавік і шмат іншага абсталявання.