«Беларусбанк» увёў сур'ёзныя змены для кліентаў

• 2.10.2023, 22:25

Яны закранаюць як фізічных асоб, так і бізнэс.

«Беларусбанк» увёў некалькі змен для кліентаў. Яны закранулі як фізічных асоб, так і бізнэс. Напрыклад, для фізічных асоб змены з'явіліся па базавых рахунках, адзначае «Зеркало».

«Беларусбанк» увёў магчымасць адкрываць базавыя рахункі ў інтэрнэт-банкінгу. Нагадаем, гэтыя рахункі мяркуюць мінімальны бясплатны набор паслуг. Базавы рахунак па функцыянале не адрозніваецца ад існага. Асноўная розніца ў тым, што базавы рахунак мяркуе пэўны спіс аперацый, па якіх банкі не бяруць камісію. Напрыклад, гэта адкрыццё і закрыццё такога рахунку, залічэнне на яго сацыяльных выплат (пенсій, стыпендый і іншых), пераводы паміж такімі рахункамі, зняцце гатоўкі праз банкаматы і касы гэтага ж банка, разлікі за тавары.

«Адкрыццё базавага рахунку магчымае разам з афармленнем аплатнай карткі да рахунку. Пры гэтым узнагарода за абслугоўванне карткі не спаганяецца», - паведамляе «Беларусбанк».

Таксама «Беларусбанк» паведамляе, што абноўлены дадатак Белкарт Pay. «Трымальнікі фізічных і віртуальных аплатных картак Белкарт «Беларусбанка», якія выкарыстоўваюць дадатак Белкарт Pay, цяпер могуць здымаць гатоўку і праглядаць баланс у банкаматах і аддзяленнях банка», — паведамляе фінустанова.

«Беларусбанк» таксама прапануе індывідуальным прадпрымальнікам дыстанцыйна адкрыць рахункі - праз міжбанкаўскую сістэму ідэнтыфікацыі (МСІ). Але ёсць важная ўмова - для гэтага хаця б раз трэба прайсці ідэнтыфікацыю ў банку.

Фінустанова таксама ўвяла навіну і для юрыдычных асоб. Так, банк запусціў сэрвіс праверкі контрагентаў у Беларусі, Расеі, Украіне, Малдове і Кыргызстане. Сэрвіс даступны кліентам у мабільным дадатку M-Business Belarusbank і інтэрнэт-банку.