Украінскія памежнікі высмеялі вучэнні ССА Беларусі

• 7.06.2023, 19:16

Нават вечкі з прыцэлаў не здымаюць.

Беларусь зноў пастанавіла апублікаваць пафасныя фатаграфіі вучэнняў сваіх сіл спецыяльных аперацый. Але задума ўсхваліць сваіх салдат зазнала паразу.

Пра гэта паведамляе Дзяржаўная памежная служба Украіны ў Telegram.

У ДПСУ паказалі фота Міністэрства абароны Беларусі, на якім адзін з салдат сіл спецаперацый краіны глядзіць у прыцэл з закрытым вечкам. Такое фота суправаджаецца подпісам аб «экіпіроўцы, якая дазваляе вайскоўцам выконваць задачы напоўніцу».

«Мінабароны Беларусі паказала, як іх сілы спецыяльных аперацый узмацняюць «паўднёвую мяжу Беларусі», - адзначаюць украінскія памежнікі.