Столтэнбэрг: Ва Украіны ёсць магчымасці для вызвалення сваёй тэрыторыі

• 7.06.2023, 19:23

Генеральны сакратар NATO таксама заявіў, што Пуцін павінен саступіць у вайне.

Украіна мае неабходную зброю і боепрыпасы для вызвалення сваёй тэрыторыі ад расейскіх акупантаў.

Пра гэта паведамляе РБК-Украіна са спасылкай на генеральнага сакратара NATO Енса Столтэнбэрга ў эфіры CNAS.

Ён адзначыў, што ход усякай вайны непрадказальны, таму ніхто не можа сказаць дакладна, чым яна скончыцца.

«Што мы ведаем, дык гэта тое, што (Украіне - рэд.) прадстаўленыя магчымасці, зброя, боепрыпасы, а таксама падрыхтоўка ад краін-чальцоў NATO і іншых хаўруснікаў...Яны пастаўленыя на месца, каб у іх былі магчымасці, неабходныя для вызвалення большай тэрыторыі», - сказаў генеральны сакратар NATO.

Ён адзначыў, што Украіна паказала, што можа адкідаць расейскія сілы, згадаўшы аб вызваленні Кіеўскай, Харкаўскай і Херсонскай абласцей.

Столтэнбэрг таксама дадаў, што хаўруснікі павінны ўзмацняць пазіцыі Украіны на фронце, каб дзяржава вярнула сваю незалежнасць, а Пуцін саступіў у вайне.