Рух па Басфоры прыпынілі

• 26.12.2024, 19:06

Праз паломку танкера, які ішоў у РФ.

Рух суднаў па праліве Басфор у абодва бакі быў прыпынены праз паломку танкера Cordelia Moon, які накіроўваўся ў Расею, піша Hürriyet са спасылкай на турэцкі Мінтранс.

Судна зламалася ля мыса Енікей, яно ішло з Ялавы ў Расею.

Паводле звестак сэрвісу MarineTraffic, нафтавы танкер Cordelia Moon ходзіць пад сцягам Панамы.

Галоўнае ўпраўленне берагавой аховы пачало буксіроўку Cordelia Moon.

У лістападзе рух праз Басфор быў заблакіраваны праз зламаны танкер NAZAN, які ішоў з Расеі. Паломка адбылася ў раёне Кандзілі ў Стамбуле. У судна было няспраўнае стырно.

У студзені праліў перакрыў танкер Peria пад сцягам Ліберыі, які рухаўся з Расеі ў Ізмір, у яго праз непагадзь апусціўся якар.