Байцы ГУВ атакавалі штаб расейцаў у Запарожскай вобласці

• 30.12.2024, 11:52

Ліквідаваныя шэсць акупантаў.

Байцы ГУВ супольна з аператыўна-стратэгічнай групоўкай войскаў «Таўрыя» выявілі і знішчылі штаб расейскіх акупантаў на часова акупаванай тэрыторыі Запарожскай вобласці.

Пра гэта гаворыцца ў паведамленні ГУВ у панядзелак, 30 снежня.

Па аб'екце нанеслі ракетны ўдар, у выніку чаго штаб расейцаў быў знішчаны. Паводле звестак ГУВ, ліквідаваныя шэсць акупантаў, яшчэ трое - атрымалі раненні.

На апублікаваных украінскімі выведнікамі кадрах бачнае пашкоджанне будынка. У ГУВ не ўдакладнілі, калі адбыўся ўдар.