Коміка Славу Камісарэнку завочна асудзілі на шэсць гадоў калоніі

• 30.12.2024, 12:50

У яго жартах угледзелі "абразу Лукашэнкі".

Коміка Славу Камісарэнку, які жыве па-за межамі Беларусі, прызналі вінаватым паводле трох артыкулаў Крымінальнага кодэкса РБ: паклёп і абразу Лукашэнкі, а таксама распальванне варожасці.

Працэс над стэндаперам, які пачаўся 24 снежня, праходзіў у Менскім гарадскім судзе. Суддзя Наста Папко вынесла яму прысуд - шэсць гадоў пазбаўлення волі.

Да 2021 года Слава Камісарэнка жыў у Расеі і выступаў на расейскім тэлеканале ТНТ, у тым ліку з маналогамі пра Аляксандра Лукашэнку.

Праз пагрозу пераследу з боку беларускіх сілавікоў яму давялося з'ехаць з РФ.