Беларускі футбаліст «Рэала» забіў «Барсэлоне»

• 30.12.2024, 15:11

Таксама Аляксей Маёраў забіў “Арланда” і “Бэтысу”.

З 27 да 29 снежня ў гішпанскім горадзе Маспаломас на выспе Гран-Канарыя прайшоў прэстыжны міжнародны турнір LALIGA FC FUTURES для юных футбалістаў, дзе вызначыўся і гулец мадрыдскага "Рэала" Аляксей Маёраў.

Узрост гульцоў не перавышаў 13 гадоў.

Турнір LALIGA FC FUTURES лічыцца адным з самых прэстыжных у свеце для футбалістаў гэтага ўзросту.

У спаборніцтвах выступалі 16 удзельнікаў - 10 з іх былі з Гішпаніі. Мадрыдскі "Рэал", за які гуляе 12-гадовы Аляксей Маёраў, на групавым этапе перамог амерыканскую каманду "Арланда" (2:0), быў мацнейшы за дортмундскую "Барусію" (1:0) і саступіў гішпанскаму "Бэтысу" (0:1 ). У чвэрцьфінале мадрыдцы былі мацнейшымі за італьянскі "Ювентус" (2:0), але ў паўфінале зноў прайгралі "Бетысу" — 1:2. А вось у матчы за трэцяе месца "Рэал" перасягнуў свайго самага прынцыповага саперніка — "Барсэлону" (1:0).

Аляксей забіў тройчы: “Арланда”, “Бэтысу” і “Барселоне”.