Марскія пяхотнікі УСУ знішчылі бранятанкавую калону акупантаў

• 31.12.2024, 12:26

Бой адбыўся на Курахаўскім кірунку.

Байцы 37-й асобнай брыгады марской пяхоты Узброеных сіл Украіны знішчылі штурмавую бранятанкавую калону з дэсантам расейскіх акупантаў на Курахаўскім кірунку.

Пра гэта служба сувязяў з грамадскасцю падраздзялення паведаміла на афіцыйнай старонцы ў сацыяльнай сетцы “Фэйсбук”, апублікаваўшы адпаведнае відэа, змантаважаванае з кадраў, знятых беспілотнымі лятальнымі апаратамі.

Аператары дронаў-камікадзэ і артылерысты знішчылі як мінімум тры адзінкі варожай бранятэхнікі (па некалькі траплянняў у кожную), а дроны-бамбардзіры дабівалі варожых штурмавікоў скідамі гранат.