На станцыі Коласава матацыкліст трапіў пад цягнік

• 14.07.2024, 12:42

У БЧ раскрылі падрабязнасці.

Раніцай у нядзелю, 14 ліпеня, на станцыі Коласава два чалавекі загінулі пад коламі цягніка, паведамляе (прэс-служба) Беларускай чыгункі.

Трагедыя здарылася а 9.34, калі станцыю праязджаў цягнік №734 Берасце-Менск. Матацыкліст рухаўся разам з пасажырам і меў намер перасекчы пуці не па дарозе, а па пешаходным насціле на рэйках. Ён выехаў на пераход, не пераканаўшыся ў адсутнасці надыходзячага цягніка.

У выніку і кіроўца, і пасажыр матацыкла атрымалі смяротныя траўмы і памерлі.

Цягнік таксама быў пашкоджаны і быў вымушаны на час спыніць рух. Затрымка цягніка па далейшым маршруце складзе прыблізна 2 гадзіны.