Беларусы Кравец і Трушкіна выйшлі ў фінал АГ у веславанні на байдарцы і каноэ

• 10.08.2024, 14:19

Вызначальныя заезды адбудуцца сёння ў 14.20 і 14.50 паводле менскага часу.

Беларуска Юлія Трушкіна – у фінале Алімпіяды ў заездзе каноэ на 200 метраў, паведамляе Нацыянальны алімпійскі камітэт Беларусі.

У паўфінале свайго заезду яна фінішавала другой, прайшоўшы дыстанцыю за 45:32. Вызначальны заезд на вяслярным канале адбудзецца сёння ў 14.50 паводле менскага часу.

Уладзіслаў Кравец выйшаў у фінал у веславанні на байдарцы на 1000 метраў. На канале ён паказаў чацвёрты час у сваім заездзе – 3:29.64. Фінальны заезд на 1000 метраў у мужчынаў адбудзецца ў 14:20.

Алімпійскія гульні праходзяць у Парыжы з 26 ліпеня да 11 жніўня. Ад Беларусі на Алімпіяду паехалі 17 спартоўцаў. Яны выступаюць у нейтральным статусе.