Скандал на Алімпіядзе-2024: Львоў «запісалі» ў склад Расеі
- 10.08.2024, 19:43
Памылку дапусціў афіцыйны тэлетранслятар.
У профілі ўкраінскай гімнасткі са Львова Марыі Высочанскай на афіцыйным сайце "Еўраспорт" паказалі, што горад належыць Расеі.
21-гадовая ўкраінка з'яўляецца капітанам нацыянальнай каманды Украіны па мастацкай гімнастыцы ў групавых практыкаваннях.
Пасля таго, як скандальныя скрыншоты разляцеліся па сацсетках, «Еўраспорт» выправіў профіль, прыбраўшы слова «Расея».
Варта адзначыць, што "Еўраспорт" з'яўляецца афіцыйным тэлетранслятарам Алімпійскіх гульняў-2024 у Парыжы.