Украінскія дроны атакавалі вайсковы аэрадром пад Масквой

• 12.08.2024, 7:33

Былі чутныя гукі страляніны.

Уначы ў раёне вайсковага аэрадрома Чкалаўскі, размешчанага ў падмаскоўным Шчолкаве, збівалі беспілотнікі.

Пра гэта паведамляе ASTRA.

Як піша канал, інфармацыя аб нападзе дронаў на аэрадром паступіла ад мясцовых жыхароў і Z-каналаў. Пра тое, што адбылося, распавёў канал ВЧК-ОГПУ, які таксама апублікаваў відэа, на якім чутныя гукі страляніны.

Са звестак ASTRA, у Шчолкаве была абвешчаная паветраная трывога.

На гэты момант афіцыйных заяў наконт гэтага не паступала.