Яўгена Афнагеля з калоніі перавялі ў магілёўскую турму

• 12.08.2024, 10:40

Палітвязню ўзмацнілі рэжым.

Палітвязня, аднаго з лідараў грамадзянскай кампаніі "Еўрапейская Беларусь", прысуджанага да сямі гадоў калоніі, утрымліваюць за кратамі тры гады і 10 месяцаў, паведамляюць праваабаронцы.

У траўні, пасля двух гадоў на турэмным рэжыме, палітвязня зноў перавялі ў Наваполацкую калонію, дзе ён раней адбываў свой тэрмін.

Адразу па прыбыцці ва ўстанову адміністрацыя змясціла яго ў штрафны ізалятар на 45 дзён, а потым перавяла ў ПКТ.

29 ліпеня ў Наваполацку адбыўся чарговы суд па замене Яўгену рэжыму ўтрымання. Суддзя Віталь Лапко пастанавіў перавесці палітвязня ў турму да канца тэрміна. Яўгена ўжо этапавалі ў Магілёў.

Палітвязня можна падтрымаць: Турма № 4. 212011, г. Магілёў, вул. Крупскай, 99А, Яўген Ігаравіч Афнагель.