Да +25°С чакаецца ў Беларусі 13 жніўня

• 12.08.2024, 18:04

Пройдуць кароткачасовыя дажджы.

Да плюс 25 градусаў і кароткачасовыя дажджы чакаюцца ў Беларусі 13 жніўня. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У аўторак будзе пераменная воблачнасць. Пераважна на ўсходзе пройдуць кароткачасовыя дажджы, а ў некаторых раёнах прагрымяць навальніцы. Уначы і раніцай месцамі будзе слабы туман. Вецер паўночна-заходні 4—9 м/с, пры навальніцах парывы ўзмоцняцца да 14 м/с.

Тэмпература паветра ўначы складзе плюс 7-13 градусаў, а ўдзень дасягне плюс 19-25.