Польскія F-16 перахапілі расейскі самалёт

• 13.08.2024, 15:43

Над Балтыйскім морам.

Пара польскіх знішчальнікаў F-16 напярэдадні перахапіла расейскі самалёт-выведчык Іл-20, які выконваў выведвальную місію ў міжнароднай прасторы над Балтыйскім морам.

Аб гэтым гаворыцца ў заяве Аператыўнага камандавання Узброеных сіл Польшчы.

У камандаванні адзначылі, што ў панядзелак, 12 жніўня, польскія F-16 ажыццявілі перахоп і візуальную ідэнтыфікацыю самалёта РФ, які выконваў палёт над Балтыйскім морам.

"Польскія знішчальнікі перахапілі самалёт Іл-20, які выконваў выведвальную місію ў міжнароднай паветранай прасторы, не парушаючы польскіх тэрытарыяльных вод", - гаворыцца ў паведамленні.

У камандаванні дадалі, што бяспека паветранай прасторы - адзін з прыярытэтаў Узброеных сіл Польшчы.