Сырскі: Суджа поўнасцю зачышчаная ад расейцаў

• 14.08.2024, 14:23

Гетман УСУ распавёў Зяленскаму аб прасоўванні ўкраінскіх сіл у Курскай вобласці.

Сілы абароны Украіны закончылі пошук і знішчэнне супраціўніка ў Суджы Курскай вобласці. Украінскія вайскоўцы з пачатку дня рушылі наперад у прымежных раёнах РФ.

Пра гэта паведамляе РБК-Украіна са спасылкай на заяву гетмана УСУ Аляксандра Сырскага.

«Групоўкі Сіл абароны працягваюць вядзенне наступальнай аперацыі на тэрыторыі Курскай вобласці. З пачатку дня войскі прасунуліся на асобных кірунках ад аднаго да двух кіламетраў», - адзначыў гетман.

Сырскі таксама падкрэсліў, што быў закончаны пошук і знішчэнне супраціўніка ў населеным пункце Суджа.

Акрамя таго, як паведаміў гетман УСУ, украінскія вайскоўцы ўзялі ў палон яшчэ больш за 100 палонных расейскіх вайскоўцаў.

«Я ўдзячны ўсім, хто мае дачыненне. Гэта паскорыць вяртанне дадому нашых хлопцаў», - заявіў прэзідэнт Украіны Уладзімір Зяленскі падчас размовы з Сырскім.