БПЛА падалі на стаянку самалётаў: з'явілася відэа нападу на авіябазу «Саваслейка»

• 14.08.2024, 15:12

Адзін з беспілотнікаў трапляе ў цэль і выбухае проста паміж самалётамі.

Расейскі аэрадром «Саваслейка» у РФ атакавала чарада беспілотнікаў. Яны цэліліся ў прыпаркаваныя там самалёты і падалі проста на стаянку. Кадры нападу апублікавалі ў сетцы OSINT-аналітыкі «Dnipro OSINT з Гарбузам».

«Відэа атакі на аэрадром Саваслейка непасрэдна з самага аэрадрома. На відэа адзін з дронаў падае на стаянку самалётаў», - гаворыцца ў паведамленне.

На апублікаваных кадрах бачна, як абарона расейскага аэрадрома спрабуе аўтаматнымі чэргамі збіць беспілотнікі, якія падлятаюць да ўзлётных палос. Адзін з беспілотнікаў трапляе ў цэль і выбухае проста паміж самалётамі.

Як адзначаюць аналітыкі, ацаніць наступствы выбуху з апублікаванага відэа цяжка, таму трэба дачакацца з'яўлення спадарожнікавых здымкаў.

Нагадаем, што 14 жніўня ў Defence Express паведамілі, што атакаваную авіябазу "Саваслейка" у РФ абараняла толькі фармальная СПА, а носьбіты Х-47М2 "Кінжал" стаялі пад адкрытым небам.