Суд у Тайландзе адхіліў прэм'ер-міністра, які падпісаў заяўку ў БРІКС

• 14.08.2024, 19:49

Гэта прывяло да адстаўкі ўсяго кабінета.

Канстытуцыйны суд Тайланда ў сераду абвінаваціў у грубым парушэнні этыкі прэм'ер-міністра Сэтху Тхавісіна і адхіліў яго ад пасады. За пастанову прагаласавалі пяцёра суддзяў з дзявяці. Гэта прывяло да адстаўкі ўсяго кабінета. Пастанова прынятая праз год пасля ўсеагульных выбараў, незадоўга да гэтага суд забараніў партыю, якая перамагла на іх.

61-гадовага Тхавісіна абвінавацілі ў прызначэнні міністрам урада юрыста Пічыта Чуэнбана, асуджанага ў 2008 годзе за карупцыю. Суд палічыў, што прэм'ер-міністр ведаў, што прызначэнне можа выявіцца праблемным, але ўсё адно ўхваліў яго. Чуэнбан займаў пасаду месяц і сышоў у адстаўку ў траўні, паведамляе Bangkok Post.

.

Тхавісін заявіў, што паважае вырак суда. Галасаванне па кандыдатуры новага прэм'ер-міністра пройдзе ў парламенце ў пятніцу, 16 жніўня. Новы кіраўнік урада, як мяркуецца, будзе прызначаны кіроўнай кааліцыяй з 11 партый. Яна сфармавала кабінет паводле вынікаў мінулых летась выбараў.