У Лідзе гарэў філіял «Мінскага завода колавых цягачоў»

• 7.08.2024, 10:04

Давялося выклікаць ратавальнікаў.

У панядзелак адбыўся пажар на філіяле "Мінскага завода колавых цягачоў" "Нёман" у Лідзе. Ратавальнікаў на месца выклікаў работнік прадпрыемства.

Як расказалі ў МНС, на прадпрыемстве загарэлася фарбавальная камера. Работнік спрабаваў патушыць агонь з дапамогай вогнетушыцеляў, але не змог справіцца з узгараннем. Работнікі МНС патушылі пажар.

«Агнём пашкоджана лакафарбавае пакрыццё фарбавальнай камеры і сістэмы выцяжкі. Прычына пажару высвятляецца. Меркаваная прычына надзвычайнага здарэння - парушэнне тэхналагічнага рэгламенту», - гаворыцца ў паведамленні.

Лідская вытворчасць МЗКЦ у асноўным займаецца выпускам аўтобусаў.