Баі ў Курскай вобласці зафіксавалі на карце пажараў NASA

• 7.08.2024, 12:36

Спадарожнікі паказалі мноства асяродкаў.

Баі ў Курскай вобласці РФ, дзе на апублікаваных кадрах бачная пашкоджаная і кінутая бранятэхніка, былі зафіксаваныя і на карце пажараў NASA. Пра гэта паведамляе Радыё Свабода.

Паведамляецца, што спадарожнікавыя сістэмы адсочвання пажараў на паверхні планеты фіксуюць мноства асяродкаў узгаранняў у Курскай вобласці.

Са звестак журналістаў, Сілы абароны Украіны занялі некалькі населеных пунктаў у РФ. Расейскія СМІ сцвярджалі, што УСУ занялі шэраг населеных пунктаў у Суджанскім раёне Курскай вобласці. У мясцовых інфармацыйных крыніцах - дзясяткі паведамленняў аб тым, што эвакуацыя не праводзіцца, а жыхары памежных з Украінай раёнаў засталіся без сувязі і электрычнасці.