З'явіліся спадарожнікавыя здымкі пункта пропуску «Суджа» на мяжы РФ

• 7.08.2024, 17:11

Зафіксаваныя значныя разбурэнні.

Спадарожнік зафіксаваў значныя разбурэнні на аўтамабільным памежным прапускным пункце «Суджа» ў Курскай вобласці РФ

Як паведамляе «Радыё Свабода», здымак быў зроблены раніцай аўторка, 6 жніўня. Ён пацвярджае, што на аўтамабільным памежным прапускным пункце «Суджа» ў Курскай вобласці на мяжы з Украінай ёсць значныя разбурэнні.

Пакуль незразумела, ці ідзе гаворка пра наступствы абстрэлу з боку Украіны, ці ўдары дронамі, ці, наадварот, пункт быў пашкоджаны ў выніку дзеянняў расейскага войска ў адказ.