Катастрафічная паводка ў Чэхіі пачала разбураць дамы

• 15.09.2024, 19:09

Відэа.

У чэшскім горадзе Ясенік і навакольных сёлах на мяжы з Польшчай, якія пацярпелі ад паводкі, высокая вада пачала разбураць дамы.

Пра гэта паведамляе Novinky.

Мэр Ясеніка Здзенька Блішцянава пацвердзіла разбурэнні ў нядзелю перад поўднем.

«Некаторыя дамы ўпалі ў Ясеніку, Чэшскай Весі і Беле пад Прадзедам. У мяне няма дакладных лічбаў, але пакуль што, паводле інфармацыі, якую я атрымала, гаворка ідзе пра адзінкі», – сказала мэр.

Паводле ейных словаў, прыярытэтам цяпер з'яўляецца выратаванне людзей, якія не паспелі своечасова эвакуявацца і дабрацца да бяспечнага месца.