Кітай нарасціў экспарт пральных машынаў у Беларусь

• 5.09.2024, 20:48

Айчынны «Атлант» – усё?

У студзені – ліпені 2024 года ў параўнанні з аналагічным перыядам 2023 года вартасныя аб'ёмы экспарту пральных машынаў з КНР у Беларусь прыкметна выраслі, піша Myfin.by са спасылкай на звесткі, размешчаныя на сайце Галоўнай мытнай управы КНР.

У студзені – ліпені 2024 года Кітай экспартаваў пральных машынаў у Беларусь на амаль 40,4 млн даляраў. Адносна аналагічнага перыяду мінулага года пастаўкі павялічыліся на 15 млн даляраў.

Найбольшы аб'ём экспарту ў РБ сёлета зафіксаваны ў студзені (7,9 млн даляраў) і чэрвені (7,3 млн даляраў), найменшы – у лютым (3,6 млн даляраў).