Чэргі на мяжы Беларусі і Польшчы ўсё яшчэ захоўваюцца

• 10.01.2025, 14:48

Раніцай было больш за 2 100 аўтамабіляў.

Чэргі на мяжы Беларусі і Польшчы захоўваюцца. На раніцу пятніцы 10 студзеня выезду з Беларусі чакалі больш за 2 100 легкавых аўтамабіляў, аб гэтым піша прэс-служба Дзяржаўны памежны камітэта.

Паводле інфармацыі ДПК, польскі бок аформіў прыкладна 33 легкавікі за гадзіну.

Карыстальнікі ў чаце аб перасячэнні мяжы пішуць, што само праходжанне мяжы можа заняць некалькі гадзін, а вось чаканне сваёй чаргі ў спецыяльнай зоне - некалькі дзён, адзначае «Медыязона».

У чарзе стаяць і аўтобусы. У аўторак 7 студзеня ў сувязі са складанай сітуацыяй на мяжы перавозчык «Мінсктранс» дазволіў сваім пасажырам у чарзе на мяжы бясплатна перасаджвацца ў аўтобусы, якія знаходзяцца бліжэй да пункта пропуску (пасажыры паступалі так і раней, але за дадатковую плату і неафіцыйна).