Экс-абаронца «Энэргетыка-БДУ» пераходзіць у «Манчэстэр Сіці» з «касмічным» кантрактам

• 10.01.2025, 20:16

Пеп Гвардыёла ўжо даў зялёнае святло на трансфер.

Трансфер цэнтральнага абаронцы «Ланса» Абдукадзіра Хусанава ў «Манчэстэр Сіці» знаходзіцца на заканчальным этапе, паведамляе інсайдэр Фабрыцыё Рамана, піша «Трыбуна».

Паводле інфармацыі крыніцы, англійскі клуб набліжаецца да падпісання 20-гадовага ўзбека. Галоўны трэнер «гараджан» Пеп Гвардыёла ўжо даў зялёнае святло на гэты трансфер.

Асабістыя ўмовы з Хусанавым узгодненыя - ён хоча далучыцца да «Манчэстэр Сіці», які, паводле папярэдніх звестак, прапанаваў за яго 50 мільёнаў еўраў.

«Ланс» купіў Хусанава летам 2023 года за 100 тысяч еўра з «Энэргетыка-БДУ». У бягучым сезоне ён аддаў 1 асіст у 16 матчах.