У Энгельсе чацвёрты дзень не могуць патушыць пажар на нафтабазе пасля атакі дронаў

• 11.01.2025, 11:20

Працэс выгарання паліва працягваецца.

У расейскім Энгельсе чацвёрты дзень гарыць нафтабаза. Яна была атакаваная ўкраінскімі абаронцамі.

Пра гэта паведамляе РБК-Украіна са спасылкай на губернатара Саратаўскай вобласці Рамана Бусаргіна ў Telegram.

Расейскі чыноўнік паказвае, што гарыць «прамысловае прадпрыемства», а не нафтабаза на вайсковым аэрадроме «Энгельс-2».

З яго слоў, плошча пажару нібыта зменшылася на 80% і стала менш дыму.

«Працэс выгарання паліва працягваецца, спецыялісты ўжываюць усе неабходныя захады. Эксперты Расспажыўнагляду на сталай аснове працягваюць маніторынг стану паветра», - напісаў ён.