Партрэт стэндапера Славы Камісарэнкі з'явіўся на стэндзе «Іх шукае міліцыя»

• 11.01.2025, 11:47

Інфармацыю знайшлі ў будынку ДАІ ў Менску.

Партрэт стэндапера Славы Камісарэнкі з'явіўся на стэндзе «Іх шукае міліцыя». Фатаграфіі стэнда комік апублікаваў у сваім Instagram.

«Знаёмыя хлопцы былі ў Менску ў ДАІ, вось даслалі фота», - напісаў Камісарэнка і апублікаваў здымкі стэндаў «Іх шукае міліцыя».

Нагадаем, Слава Камісарэнка жыве за мяжой. Ён вядомы беларускі стэндапер. Пасля прэзідэнцкіх «выбараў» у Беларусі 2020 года Камісарэнка неаднаразова выказваўся пра іх фальсіфікацыю і асуджаў гвалт з боку сілавікоў супраць пратэстоўцаў. У сваіх выступах ён рабіў пародыі на Аляксандра Лукашэнку і называў яго «Чык-Чырыкам».

30 снежня Менскі гарадскі суд завочна прысудзіў яго да шасці гадоў калоніі паводле трох артыкулаў КК, у тым ліку за «абразу» Лукашэнкі.