Для настаўнікаў у Беларусі падрыхтавалі новы сюрпрыз

• 11.01.2025, 14:28

Педагогам давядзецца праходзіць яшчэ адзін узровень «праверкі».

У Беларусі з 2025 года плануецца ўвесці абавязковую псіхалагічную гутарку для тых, хто хоча працаваць у сферы адукацыі. Гэта прадугледжвае праект Закона «Аб змяненні законаў у пытаннях забеспячэння правоў дзяцей», апублікаваны на Нацыянальным прававым партале.

Гутарка стане абавязковым этапам пры працаўладкаванні. Згодна з законапраектам, кандыдат атрымае накіраванне на праходжанне псіхалагічнай гутаркі перад падпісаннем працоўнай дамовы. Толькі паспяхова прайшоўшы гэтую працэдуру, ён зможа афіцыйна працаўладкавацца.

Калі законапраект будзе прыняты, новыя правілы набудуць моц праз шэсць месяцаў пасля афіцыйнага апублікавання, гэта значыць, ужо летам 2025 года.

Аднак пакуль незразумела, якія крытэрыі будуць выкарыстоўвацца пры ацэнцы, і як будзе арганізаваная працэдура.