Лясныя пажары ў Каліфорніі змянілі накірунак

• 11.01.2025, 21:51

У шасці пажарах, якія лютавалі ў акрузе з 7 студзеня, знішчаныя больш за 10 000 будынкаў.

Маштабныя лясныя пажары, якія ахапілі Лос-Анджэлес на гэтым тыдні, змянілі кірунак руху, што пацягнула за сабой эвакуацыю большай колькасці людзей, піша Reuters.

Адзначаецца, што пажары, якія ўспыхнулі на захадзе горада ў элітным раёне Пасіфік Палісэйдс, змянілі кірунак і наблізіліся да раёна Брэнтвуд і перадгор'яў Сан-Фернанда. Пажарныя паведамілі, што агонь распаўсюджваецца на паўночны ўсход.

У шасці пажарах, якія лютавалі ў акрузе з 7 студзеня, загінулі сама меней 11 чалавек і былі знішчаныя больш за 10 000 будынкаў. Чакаецца, што колькасць ахвяр узрасце пасля заканчэння праверкі дамоў.