Беларускія чыноўнікі спрабуюць схаваць дачыненні з талібамі?

• 12.01.2025, 18:10

МЗС Беларусі маўчыць аб сустрэчы ў Кабуле.

Дэлегацыя беларускіх чыноўнікаў прыбыла ў Кабул для перамоў з прадстаўнікамі «Талібана», паведамляе афганскае выданне Etilaatroz.

Падчас сустрэчы абмяркоўваліся пытанні эканамічнага і палітычнага супрацоўніцтва паміж Беларуссю і Афганістанам, а таксама іншыя аспекты супольнай дзейнасці, гаворыцца ў паведамленні афганскага міністэрства замежных спраў.

Беларускі бок узначальвае намеснік міністра замежных спраў Сяргей Лукашэвіч. Пры гэтым на сайце беларускага МЗС інфармацыі аб гэтым візіце пакуль няма. Дэлегацыя правяла сустрэчу з намеснікам кіраўніка палітычнага офіса "Талібана" Абасам Станікзаем.

Акрамя таго, у Кабуле адбыліся перамовы паміж прадстаўнікамі міністэрстваў прамысловасці абедзвюх краін. У інфармацыйным бюлетэні талібаў падкрэсліваецца, што адной з асноўных мэт сустрэч з'яўляецца развіццё гандлёва-эканамічных дачыненняў.