Сенсацыя з Афрыкі: Эфіёпія ўпершыню за 50 гадоў запускае фондавую біржу

• 12.01.2025, 19:37

Запуск біржы стаў часткай стратэгіі лібералізацыі эканомікі краіны.

Пачала працу Эфіёпская фондавая біржа (ESX). Яна стала першай у Эфіёпіі за апошнія 50 гадоў. Як удакладняе Reuters, на старце на біржы зарэгістраваная толькі адна кампанія - мясцовы Wegagen Bank.

Запуск біржы стаў часткай стратэгіі лібералізацыі эканомікі Эфіёпіі, якую прэм'ер-міністр краіны Абій Ахмед Алі рэалізуе з уступлення на пасаду ў 2018 годзе.

У апошні раз фондавая біржа працавала ў Эфіёпіі ў 1960-70-х гадах, але яе закрылі ў 1974-м пасля зрынання імператара Хайле Селасіе.

Паведамляецца, што дзяржаўная тэлекамунікацыйная кампанія Ethio Telecom, якая рыхтуецца да IPO, таксама размесціць свае акцыі на новай біржы.

На ацэнку гендырэктара ESX Цілахуна Касахуна, цягам наступных 10 гадоў да пляцоўкі далучацца 90 кампаній.

Раней, паводле ацэнкі Forbes, прэм'ер-міністр Эфіёпіі патрапіў у спіс кіраўнікоў дзяржаў з самым сціплым даходам. На падлікі аналітыкаў Абій Ахмед Алі зарабляе ўсяго $1,7 тысячы на год.