У Беларусі яшчэ раз забаранілі казкі Пушкіна

• 13.01.2025, 14:29

Тры месяцы таму быў падобны інцыдэнт.

"Казкі" Аляксандра Пушкіна, выдадзеныя гандлёвай маркай "Умка" у серыі "Залатая класіка", знікнуць з паліц крам. Такія вынікі выпрабаванняў Дзяржстандарта.

Гэтая кніга была надрукаваная на Смаленскім паліграфічным камбінаце, у філіяле акцыянернага таварыства “Выдавецтва “Вышэйшая школа”.

Вывучыўшы гэтае выданне, экспэрты знайшлі парушэнні тэхнічнага рэгламенту Мытнага саюза "Аб бяспецы прадукцыі, прызначанай для дзяцей і падлеткаў".

Парушэнні малаважныя, але ўсё ж прабел паміж словамі ў выдавецкай прадукцыі для дашкольнага і малодшага школьнага ўзросту павінен быць роўны кеглю шрыфту. Фактычна кегель асноўнага шрыфту быў больш за 6 мм, а прабел паміж словамі склаў 1,8 мм.

У выніку Дзяржстандарт пастанавіў не толькі забараніць увоз і рэалізацыю гэтай партыі кніг, але і спыніць дзеянні дакументаў аб ацэнцы адпаведнасці.

Тры месяцы таму ў Дзяржстандарту ўжо былі пытанні да “Казкам” Аляксандра Пушкіна. Праўда, тыя кнігі былі выпушчаныя Яраслаўскім паліграфічным камбінатам. Але парушэнні былі падобныя. У тым выданні кегель быў 3 мм, а прабел паміж словамі - 2,5 мм.

Дарэчы, такія ж прэтэнзіі ўзніклі ў спецыялістаў і да кнігі "Рускія народныя казкі" з серыі "Залатая класіка", якая выпушчана выдавецтвам "Вышэйшая школа" і надрукаваная на Смаленскім паліграфічным камбінаце. Там таксама была неадпаведнасць кегля шрыфту і прабелаў.