«Глядзіце, у нас тут вельмі шмат манетак»

• 13.01.2025, 22:19

Сям'я год збірала манеты, але сутыкнулася з непрадбачаным момантам.

У TikTok расказалі, як сям'я год збірала манеты, а потым спрабавала абмяняць у банку на банкноты. Але фінустанова запытала за гэтую паслугу камісію, піша «Зеркало».

«Глядзіце, у нас тут вельмі шмат манетак. Дзіця збірала разам з намі цэлы год. Тут амаль 1600 беларускіх рублёў, — распавяла жанчына. — Прынеслі мы іх у «МТБанк», хацелі размяняць. Камісія - 50 рублёў. Уяўляеце? Наогул ужо ачмурэлі!»

У «МТБанку» растлумачылі, што за абмен манет на банкноты, як і наадварот, прадугледжаная камісія. Прычым, чым большая сума аперацыі, тым вышэйшы збор. Так, калі трэба абмяняць да 2000 рублёў, дык камісія складзе 50 рублёў. Ад 2000,01 да 4000 рублёў - 100 рублёў, ад 4000,01 да 6000 рублёў - 150, ад 6000,01 да 8000 рублёў - 200.

Калі ж папрасіць абмяняць ад 8000,01 да 10 000 рублёў, то давядзецца заплаціць банку 250 рублёў. А за ўсё, што больш за 10 тысяч рублёў, збор будзе 300 рублёў.

Адной з парадаў, якую атрымала жанчына ў каментарах, была прапанова набыць даляры за манеты. Маўляў, у такім разе не павінна быць камісіі.

На гэта яна адказала: «Ідэя, вядома, класная. І, напэўна, год таму я так і зрабіла б. Але, на жаль, зараз сутыкнулася з тым, што потым гэтыя даляры ніхто не хоча прымаць. Асабліва абменнікі ў нашай краіне. То ў іх плямка нейкая, то цвіль знойдуць там, дзе яе няма. Тое купюра не таго года, то не таго колеру, ці яшчэ што-небудзь. Ужо нават не ведаеш, да чаго яны чапляюцца».