У Расеі загарэўся будынак вайсковага шпіталя, дзе лечацца вайскоўцы тэрміновай службы

• 13.01.2025, 18:09

Агонь працягвае распаўсюджвацца.

У Туле, размешчанай за 170 кіламетраў на поўдзень ад Масквы, успыхнуў будынак вайсковага шпіталя, дзе знаходзяцца на лячэнні вайскоўцы тэрміновай службы.

Аб гэтым піша «Апостроф» са спасылкай на расейскія Telegram-каналы.

Як адзначаецца, пажар узнік у шпіталі «39 Асобны медыцынскі атрад Паветрана-дэсантных войск» у цэнтры горада.

Агонь ахапіў верхні паверх будынка, а потым перакінуўся на дах.

Загінулых і пацярпелых няма, з будынка эвакуявалі 57 чалавек.

Афіцыйна аб прычынах пажару не паведамлялі, аднак некаторыя Telegram-каналы пішуць, што нібы агонь успыхнуў праз няспраўнасць праводкі.

Паводле інфармацыі экстранных службаў, плошча ўзгарання складае 1 тысячу кв. метраў, але агонь працягвае распаўсюджвацца.