Восем краін далучыліся да санкцый ЕЗ супраць рэжыму Лукашэнкі

• 14.01.2025, 15:48

Уключаючы Украіну.

Восем краін, якія не ўваходзяць у Еўразвяз, падтрымалі нядаўнія санкцыі ЕЗ у дачыненні да рэжыму Лукашэнкі. Аб гэтым заявілі 14 студзеня ў радзе ЕЗ.

Да абмежаванняў далучыліся Албанія, Боснія і Герцагавіна, Ісландыя, Ліхтэнштэйн, Чарнагорыя, Паўночная Македонія, Нарвэгія і Украіна. Паведамляецца, што яны забяспечаць "адпаведнасць сваёй нацыянальнай палітыкі" санкцыйнаму рэжыму ў дачыненні да афіцыйнага Менска.

У сваю чаргу ЕЗ "прымае да ўвагі гэтае абавязацельства і вітае яго".