Да +4°С чакаецца ў Беларусі 15 студзеня

• 14.01.2025, 19:28

У сераду будзе пахмурнае надвор'е.

Заўтра, 15 студзеня, на большай частцы тэрыторыі краіны на дарогах чакаецца галалёдзіца, абвешчаны аранжавы ўзровень небяспекі, праінфармавалі ў Белгідрамеце.

У сераду будзе пахмурнае надвор'е. У начны і ранішні час на большай частцы тэрыторыі Беларусь пройдуць ападкі (снег, мокры снег, дождж). Яны таксама чакаюцца ў дзённы час месцамі, а на поўдні ў многіх раёнах. Удзень на асобных адцінках чакаецца туман.

Вецер заходні, паўночна-заходні 4–9 метраў за секунду, уначы парывы да 14 метраў за секунду.

Уначы слупкі тэрмометраў пакажуць -4…+1 градус, у дзённы час будзе ад -1 градуса да +4 градусаў.