Зяленскі: Хто не хоча абараняць Украіну сёння, заўтра будзе думаць, як абараніць сябе самога

• 14.01.2025, 20:42

Украіна абараняе Еўропу, свабоду і дэмакратыю.

Прэзідэнт Украіны Уладзімір Зяленскі падчас прэс-канферэнцыі адказаў на пытанне DW, ці не турбуе яго тое, што напярэдадні датэрміновых парламенцкіх выбараў у ФРГ на другім месцы больш чым з 20% галасоў (са звестак сацапытанняў) знаходзіцца партыя "Альтэрнатыва для Нямеччыны", якая выступае за прыпыненне дапамогі Украіне, адказаў: "А вы ведаеце, што, нягледзячы на рыторыку ... большасць людзей і ў Еўропе, і ў Злучаных Штатах згаджаюцца з тым, што Украіна абараняе не толькі сябе?"

“Мы абараняем (агульныя. - Рэд.) каштоўнасці, абараняем Еўропу, дэмакратыю і свабоду, - заявіў Зяленскі. - Нашы вайскоўцы абараняюць усіх, незалежна ад таго, на якім яны месцы: на першым, на другім ці на трэцім. Мне падаецца, гэта самае галоўнае. І мне падаецца, што той, хто не хоча абараняць Украіну сёння, рызыкуе тым, што яму давядзецца думаць заўтра, як абараняць сябе самога”.