Атака УСУ: на Саратаўскім НПЗ пацэлілі ў два рэзервуары

• 14.01.2025, 21:24

Спадарожнікавы здымак.

У выніку масаванага нападу дронаў па тэрыторыі Расейскай Федэрацыі пацярпеў Саратаўскі нафтаперапрацоўчы завод. Спадарожнікавы здымак пацвярджае знішчэнне рэзервуараў.

Пра гэта паведамляе Telegram праекту "Схемы".

Паведамляецца, што дроны пацэлілі прынамсі ў два рэзервуары на Саратаўскім НПЗ.

Гэты завод знаходзіцца недалёка ад авіябазы стратэгічнай авіяцыі "Энгельс", дзе размешчаны Ту-95 і Ту-160. Гэтыя стратэгічныя бамбавікі расейскае войска сістэматычна выкарыстоўвае для абстрэлаў тэрыторыі Украіны.