У Фінскай затоцы з'явіліся першыя судны новай патрульнай місіі NATO

• 15.01.2025, 16:34

Яны будуць ахоўваць падводную інфраструктуру ў Балтыйскім моры.

Першыя судны новай патрульнай місіі NATO Baltic Sentry («Балтыйскі вартавы»), якая будзе ахоўваць падводную інфраструктуру ў Балтыйскім моры, ужо знаходзяцца ў Фінскай затоцы, паведамляе Yle.

Марское камандаванне NATO ў сераду апублікавала паведамленне аб тым, што нямецкі вайсковы карабель FGS Datteln і нідэрландскі HNLMS Luymes 13 студзеня ажыццявілі перамяшчэнне ў Балтыйскім моры з мэтай навучання і адпрацоўкі супольных дзеянняў.

У твіце адзначаюць, што судны задзейнічаныя ў падтрымцы місіі Baltic Sentry.

Журналісты фінскага вяшчальніка паводле звестак сэрвісу Vessel Finder высветлілі, што два судны NATO знаходзяцца ў Фінскай затоцы.