Святлана Алексіевіч возьме ўдзел у Віленскім кніжным кірмашы

• 15.01.2025, 17:10

Лаўрэатка Нобелеўскай прэміі ў літаратуры возьме ўдзел у дыскусіі.

Сёлета Віленскі Кніжны кірмаш наведае лаўрэатка Нобелеўскай прэміі ў літаратуры, беларуская пісьменніца, журналістка і сцэнарыстка Святлана Алексіевіч, паведамляе Delfi.

«Я (…) неўзабаве буду на Віленскім кніжным кірмашы, дзе вазьму ўдзел у дыскусіі. Я хацела б убачыць як мага больш з Вас, каб мы маглі пагаварыць аб нашых кнігах і сучаснасці», - напісала пісьменніца ў сваім допісе ў Facebook.

У 2015 годзе С.Алексіевіч стала лаўрэаткай Нобелеўскай прэміі ў літаратуры. Сярод яе самых вядомых кніг – “У вайны не жаночае аблічча”, “Апошнія сведкі”, “Цынкавыя хлопчыкі”, “Чарнобыльская малітва” і “Час сэканд хэнд”.

У 2020 годзе С.Алексіевіч падтрымала пратэсты супраць Аляксандра Лукашэнкі, калі ён чарговым разам абвясціў сябе пераможцам прэзідэнцкіх выбараў. Каб пазбегнуць доўгага турэмнага зняволення, якое ёй пагражала, пісьменніца з’ехала ў Нямеччыну. Сёлета кніжны кірмаш пройдзе з 27 лютага да 2 сакавіка.