Трамп анансаваў угоду Ізраіля і ХАМАС

• 15.01.2025, 20:29

Паводле ягоных словаў, закладнікаў неўзабаве вызваляць.

Абраны прэзідэнт ЗША Дональд Трамп заявіў, што бакі ізраільска-палестынскага канфлікту дасягнулі пагаднення, закладнікі, захопленыя тэрарыстычнай групоўкай ХАМАС, хутка будуць вызваленыя.

«Мы дасягнулі ўгоды датычна закладнікаў на Блізкім Усходзе. Неўзабаве іх адпусцяць на волю», – напісаў ён у сацсеткі Truth Social.

Урад Ізраіля раней паведаміў пра прагрэс у перамоваў. У сувязі з гэтым кіраўнік МЗС краіны Гідэон Саар вяртаецца ў Тэль-Авіў.

Пра тое, што Ізраіль і ХАМАС заключылі пагадненне аб спыненні агню ў сектары Газа і вызваленні закладнікаў, паведамляе таксама CNN.