Палонныя расейцы паскардзіліся на жаўнераў КНДР

• 16.01.2025, 12:10

Супольных дзеянняў, акрамя баявых, у іх няма.

Палонныя расейскія акупанты скардзяцца на тое, што паўночнакарэйскіх вайскоўцаў лепш рыхтуюць да баёў у Курскай вобласці ў параўнанні з расейскімі кантрактнікамі. Пра гэта распавёў старшы афіцэр аддзела камунікацый 80-й асобнай дэсантна-штурмавой брыгады, старшы сяржант Пётр Гайдашчук у эфіры тэлеканала "Эспрэса".

Са слоў Гайдашчука, байцам ягонай брыгады пакуль не ўдалося ўзяць у палон вайскоўцаў КНДР. Аднак узятыя ў палон расейцы сцвярджаюць, што разам з імі падрыхтоўку праходзілі менавіта паўночнакарэйскія вайскоўцы.

«Цікава тое, што палонныя расейцы распавядалі, што экіпіроўка, узбраенне і падрыхтоўка вайскоўцаў з КНДР была значна лепшай, чым расейскіх кантрактнікаў. Задачай, са слоў палонных акупантаў, для паўночнакарэйцаў былі выключна штурмавыя дзеянні, а ўжо расейцы павінны былі замацавацца ў выпадку поспеху на пазіцыях», - распавёў Гайдашчук.

Ён таксама дадаў, што расейскія ваеннапалонныя адзначаюць, што іх спрабуюць трымаць асобна ад паўночнакарэйскіх вайскоўцаў падчас знаходжання на базах падрыхтоўкі.

«Паводле аповедаў палонных расейцаў, яны ў кантакт з імі не ўступалі. Па-першае, паміж імі ёсць моўны бар'ер. Па-другое, жывуць, сілкуюцца і што робяць паўночнакарэйцы цалкам адмежаваныя пад расейскіх акупантаў. Супольных дзеянняў, акрамя баявых, у іх няма», - адзначыў Гайдушчак.