Міліцэйскага стукача судзілі за крадзеж і абразу Лукашэнкі

• 16.01.2025, 14:54

Гэта можа быць правакацыяй.

Летась у лістападзе ў судзе Маскоўскага раёну Менску разглядалася справа Максіма Віктаравіча Палонскага.

Мужчыну абвінавачвалі ў крадзяжы (ч. 2 арт. 205 КК РБ) і абразе Лукашэнкі (ч. 1 арт. 368 КК РБ), піша тэлеграм-канал «Віцебск, я гуляю!».

Выданне звяртае ўвагу, што асабістыя звесткі абвінавачанага цалкам супадаюць са звесткамі раней судзімага інфарматара, які працаваў пад прыкрыццём у спецыяльнай установе «Ларыскор», вядомай як шырма для інфарматараў.

31 студзеня 2025 года ў Менскім гарадскім судзе будзе разгледжаная апеляцыя Палонскага.

Калі выказаць здагадку, што абвінавачаны сапраўды той самы інфарматар, то палітычнае абвінавачанне магло быць выстаўленае адмыслова, каб ён змог увайсці ў давер да палітычных зняволеных.