Bloomberg: ЗША «выкошваюць» расейскі ценявы флот

• 16.01.2025, 16:36

Стаўкі на дастаўку нафты ў Кітай значна выраслі.

Новыя санкцыі ЗША супраць расейскага нафтавага сектара "выкасілі" ценявы флот, які перавозіў расейскую нафту з Далёкага Усходу ў Кітай.

Як гаворыцца ў матэрыяле Bloomberg, у выніку кошт фрахту судоў на гэтым маршруце імгненна вырас больш як утрая.

Стаўкі на дастаўку нафты гатунку ESPO ў Кітай з порта Казьміно ў Прыморскім краі падскочылі да $5-5,5 млн за танкер. Між тым, да абвяшчэння Міністэрства фінансаў ЗША, яны складалі $1,5 млн. Як гаворыцца ў матэрыяле, трэйдары, знаёмыя з сітуацыяй на гэтым маршруце, чакаюць прадаўжэння росту ставак.

ЗША пашырылі санкцыі ў дачыненні да танкераў, нацэліўшыся на дзве расейскія кампаніі, якія апрацоўваюць больш за чвэрць марскога экспарту вытворцы OPEC+, а таксама на страхоўшчыкаў і трэйдараў. Cа звестак Міжнароднага энэргетычнага агенцтва, у 2024 годзе флот суднаў, уключаных у чорны спіс, перавёз амаль 22% сырой нафты, адпраўленай па моры.

Санкцыі мелі неадкладнае ўздзеянне: судна, якія перавозяць грузы УСЦА і іншай расейскай маркі - Сокал, прастойваюць ля ўзбярэжжа Кітая, паводле звестак адсочвання суднаў. УСЦА быў фаварытам кітайскіх нафтаперапрацоўшчыкаў з-за яго кароткай адлегласці дастаўкі.

Большасць танкераў, якія курсуюць па маршруце паміж Казьміно і Кітаем, — гэта Aframax, якія могуць перавозіць 750 000 барэляў.

Яшчэ да апошніх санкцый ЗША парты ў правінцыі Шаньдун з асцярогай ставіліся да прыёму санкцыянаваных танкераў пасля папярэджання ад буйнога аператара тэрмінала. Шаньдун з'яўляецца домам для большасці незалежных нафтаперапрацоўчых заводаў Кітая.