Дыетолаг назвала самыя карысныя для здароўя віды рыбы

• 16.01.2025, 21:10

Важна памятаць і пра спосабы прыгатавання рыбы.

Спецыялістка ў харчаванні Эльвіра Бялёва расказала пра самыя карысныя для здароўя віды рыбы.

У сваім каментары лекарка-гастраэнтэролаг удакладніла, што варта ўключыць у рацыён.

На першым месцы ў карыснасці ў Бялёвай ласось. Гэтая рыба багатая на амега-3 тлустыя кіслоты, вітаміны групы B і якасны бялок.

Не менш каштоўная і скумбрыя, якая таксама ўтрымлівае амега-3, вітаміны D і B12, што робіць яе выдатным выбарам для падтрымання здароўя сэрца. Селядзец, паводле словаў спецыялісткі, валодае падобнымі ўласцівасцямі.

Дзікі тунец таксама заслугоўвае ўвагі, аднак яго варта ўжываць з асцярожнасцю праз магчымае ўтрыманне ртуці. Бялёва адзначыла, што і сардзіны з'яўляюцца крыніцай амега-3, бялку і вітамінаў групы B, а таксама ўтрымліваюць мноства карысных мінералаў, уключаючы кальцый.

Вясёлкавая фарэль карысная дзякуючы высокаму ўтрыманню амега-3 і вітаміну D, а хек багаты на вітаміны групы B, фосфар і селен.

Важна памятаць і пра спосабы гатавання рыбы: дыетолаг раіць унікаць смажання, каб захаваць усе карысныя ўласцівасці прадукту.