Пуцін упершыню за 20 гадоў адправіў расейцаў на вайсковыя зборы ў студзені

• 17.01.2025, 3:42

Рыхтуюць да адпраўкі на фронт?

Кіраўнік Расеі Уладзімір Пуцін у чацвер, 16 студзеня, падпісаў указ аб прызыве на вайсковыя зборы грамадзян, якія знаходзяцца ў запасе.

Згодна з дакументам, які апублікаваны на партале прававой інфармацыі, арганізацыя збораў даручана ўраду РФ і органам выканаўчай улады суб'ектаў РФ.

Указ, які ўступае ў дзеянне, неадкладна змяшчае два сакрэтныя пункты з паметкай "для службовага карыстання". У іх, як мяркуецца, зафіксаваная колькасць грамадзян, якіх адправяць на зборы, і тэрміны іх правядзення.

Вайсковыя зборы зімой - рэдкая практыка для Расеі. У апошнія 20 гадоў зборы праводзіліся вясной ці летам. Указ Пуціна аб зборах летась быў падпісаны 1 сакавіка, у 2023 годзе - 10 траўня, у 2022-м і 2021-і - 26 красавіка, у 2020-м - 29 чэрвеня. Зборы 2019 года былі абвешчаныя ў канцы лютага, а праводзіліся ў сакавіку, а зборы 2004-18 гг пачыналіся ў сакавіку-чэрвені.

Апошнія студзеньскія зборы адбыліся ў Расеі ў 2003 годзе - адпаведны ўказ Пуцін падпісаў 29 снежня 2022 года. Аналагічным чынам праводзіліся зборы 2001-2002 гг: указ выходзіў у адзін з апошніх дзён папярэдняга года. Зборы-2000 Пуцін аб'явіў 27 студзеня.